船河

4月29日參加了一個頗為大型的船河, 我聽到當天總共有24艘船一齊出海. 話有成900幾人出席, 而且船同船之間可以link 埋一齊, 可以走去其他船玩. 可惜那天天氣不好. 整個早上都陰天, 我們坐在船上吹著海風, 好多人都覺得冷要披上毛巾. (因為他們都只穿背心同短褲), 還見到有2個人一直互相抱住對方, 可能佢地真係怕涷掛. ^^
當船到達目的地時, 場面真的頗為熱鬧. 有些早到的人已下水玩(真佩服佢地唔怕涷). 附近也有船有DJ 在播歌. 看到好多人好似去左Disco 咁不停跳舞. 我坐的船有30幾人, 也有接近三分一的換了泳裝下水. 當他們只穿泳褲行出來時. 真的令一眼前一亮, 健康的膚色, 燦爛的笑容再加上靚的線條, 給我好似睇 MODEL 行天橋的感覺. (都唔係好明點解人地做GYM, 可以做到個身型咁靚, 但我做極都唔見效)
那天其實幾大風浪, 架船間中擺得好厲害, 所以船家怕有意外和撞船, 建議我們不要將船LINK 埋一齊. 所以我們船同船之間其實都不算太接近, 要去其他船, 唯有游過去, 又或者坐自己撐船仔去. 我不懂游泳, 所以都只係待在船裡面和其他人傾偈, 聽他們講, 這個船河不是第一年搞, 上年是5月中舉行, 地點也同今次不同, 天氣也較好. 還有好多人在甲板上裸曬. (講到好吸引咁, 哈哈)
總括來說, 總算係一個幾好玩的活動. 不過有少少的地方希望下年可以改善下. 例如我唔係太明白, 點解會供應一個咁大份的麵飽做午餐架 (有吞拿魚, 免治牛肉等, 食完個肚腩一定會彈出來, 所以一定唔會好多人食 LA), 好彩還有沙律同香蕉可以食. 另外, 可能人數太多, 我發現好多船都沒有點齊人數便開船歸航, 我們船上最後也有一個男仔給遺下了. 他只穿一條泳褲, 所以隨身用品都在自己的船上, 好彩他有朋友在我們船上, 也叫了他自己船上的人在碼頭等佢, 否則都唔知點算.
有了這次體驗, 本會搞的船河一定更加好玩, 更加安全. 哈哈