MegaBox 一日遊

最近實在太忙了，難得星期天有時間可以和男友去MegaBox 行下．^^
相信是星期天的關係吧，排了一條頗長的人龍等上穿梳巴士，幸好巴士的數量都幾多，都只係用了１０幾分鐘就到達 MegaBox 了．排隊的時候見到前面有一對男女，個男仔穿了件淺紫色的T恤，他還配載了一條珍珠頸鍊，我真係首次見到男仔咁樣打扮，我就唔敢試了．哈哈
MegaBox 有好多車位提供，而且收費是使用信用咭或者八逹通付款的，都算幾方便，（可惜我仍未擁有自己的車），提起八達通，商場內有一個扭蛋專門店，可以用八達通付款．我想再過多幾年，真係完全不用帶散紙出街.
一入商場，已經見到幾款高清電視在做推廣, 畫面質素確實係好靚，如果用來看４仔，唔知點呢．嘿嘿．再想幾層，又見到有部成 65"的 plasma 做緊推廣，嘩．咁大個畫面，如果近鏡映一個人的樣子．其實都幾恐佈喎．如果係高清，更加不能想像．　
之後我們逐層向上遊逛，都算有幾多名店在商場內．各式各樣的鋪頭都有，但我好似唔多覺有Karaoke，見到有溜冰場，當晚還有一個國際業餘冰球邀請賽，首次咁近距離看人打冰球，感覺幾有趣．
去到１１樓的戲院，我們見到哈利波特－鳳凰會的密令，竟然仍然在上映未落畫．不過我們冇看這部立體電影，選擇看一部韓國的恐佈片．在等待看戲的時間，當然是要醫肚la. 我們拿了位坐低，有個女侍應走埋來問我們點什麼，她衝口而出話：先生，小姐，你們要點什麼，之後見到我們２個都係男仔，改口說，２位先生想要點什麼．可能她見慣左一男一女一齊食晚飯，才下意識叫先生，小姐．她知道自己叫錯，好似有少少尷尬，其實我冇所謂．反正我們根本就係一對戀人．嘿嘿．
看戲的戲院比較細，得10行左右．好彩座位都算幾大，坐得幾舒服，但扶手不能抽起，我們只能拖住手看戲，不能坐得親蜜點．有少少可惜．
總括而言，都算係一個不錯的商場．如果我們喜歡的無印良品及Karaoke 都有埋，我肯定會經常光顧．　^^