異形金剛

剛過去的星期天和男友去看異形金剛這套舞台劇, 最初看宣傳海報, 幾個男主角的打扮都幾妖豔, 也有作女性打扮的. 感覺好似泰國的人妖show. 哈哈.
有些朋友看完這個海報和劇名之後, 都異口同聲話唔想看. 但我一早答應了幫手賣票的朋友, 加上男友也喜歡看舞台劇, 抱著一看無妨的心態. 想不到幾精彩, 完全無悶場. 而且我同男友坐的位置十分好, 是第三行中間的位置. 幾位主角的精彩演出, 豐富的表部表情, 我們都看得十分清楚. 真係值回票價. ^^
首先感謝康樂及文化事務署肯將這套舞台劇在牛池灣的文娛中心上演. 期望以後有更多這類提及同志和性取向等比較有爭議性的劇種可以公開上映. 舞台劇大約 2 小時. 一開始放映一段短片. 叫做女神的咀咒, 短短幾分鐘的片段, 已令到全場觀眾拍爛手掌. 之後幾個主角穿上幾誇張但華麗的服飾跳舞唱歌, 還走下台和觀眾互動一番. 氣氛十分熱烈.
舞台劇的主線是關於四個異形與金剛的故事, 賣個關子. 有興趣請支持他們 12 月的 Re-run, 絕對值得一看. 在此我會講下幾個加插的故事.
第一個支線故事是一個男人在地鐵上遇到心儀的男性, 他聯想到和那個男性點樣拍拖, 將來係點, 直到到了終點站, 才從幻想回到現實. 我覺得好多朋友都試過在街上遇到心儀的對象, 又可能覺得對方是自己最理想的對象, 和那個人一起一定會好美好. 縱使現在我已有了另一半, 在街上見到我鍾意的人, 我也會幻想下如果可以拖住那個人, 應該會幾甜蜜的. 但想深一層, 對方又未必會是同志, 就算係同志. 就會選擇我嗎. 我已有個對我咁好的人, 應該要珍惜.
第二個支線故事是講愛侶提出分手. 其中一方懷疑對方其實是有第三者, 所以才提出分手, 之後綁起愛人, 叫他講出一百個理由, 只要有一個理由是可接受的便放他. 當中有些理由是我們常聽到的, 例如性格不合, 配你唔起, 對朋友好過對情人等等. 最搞笑係在床上放屁也算係一個理由. 我覺得一對情侶去到要分手的地步, 無論是那一方提出, 都代表大家之間已出現了問題, 不理是因為那種理由令到感情變淡, 或者是不再愛對方. 而故亂堆砌一堆理由, 只會令大家更討厭對方. 不過要分手得乾脆又真係不是咁容易.
第三個支線故事是一大班人出去 Bar or Disco 玩. 當中一個男仔遇到另一個人. 大家都對對方有好感, 但他們身邊卻出現了另外 4 個人, 還有幾親熱的身體接觸, 令到他們想發展但又給人阻住. (這段我覺得好好睇, 因為成班主角同 dancer 都解開上衣展示他們的身型. 嘿嘿). 看完這段. 我覺得好多時我們身邊會出現好多人 , 可能多到我們唔知點選擇. 總覺得 A 君又好. B 君又唔錯. C 君又好似對自己好好咁. 結果就是這樣令到機會錯失了. 最慘有時以為自己選好, 但卻選錯了.
第四個支線是講一對 lover 之間的溝通, 住埋一齊但每晚大家只係會講 "點呀", "無野", "你鍾意 la " 之類的對話, 好似已經冇晒話題咁. 之後更發起晦氣. 一個話自己有其他人追, 另一個又話個 ex 搵番自己, 之後演變成吵架, 話分手, 但最終又言和, 言和後又回復成冇野講的情況. 我覺得同戀人溝通真係不易掌握的. 鍾意一個人係好想成日都可以同佢一齊, 想同佢一齊分享好多事情. 但係如果日日見又或者住埋一齊, 又可能會變成相對無言. 其實最重要是大家都愛對方. 咁樣就一定會找到大家都覺得最適合的相處方式.
最後一個支線是講一個人有了情人, 但一次出去偷食之後感染了 AIDS, 他的情人冇嫌棄佢, 原諒他還照顧他. 但他知道自己好快會死. 因為他已見到死神. 他狠下心趕走他的情人. 之後佢同死神講, 佢知佢情人一定會再回來找他, 但他唔可以咁自私, 之後他哭, 話好怕. 只得自己一個人, 死神同佢講, 我們不是只有一個人. 之後他就死了. 記得以前會長同我們講過. 他不信有同生共死. 因為如果你愛的人不幸離世. 除非你跟著他一起殉情, 否則甚可以算是共死喎. 又有好多人話, 死去的人也不想見到活著的人痛苦, 我們應該代替死去的人而活. 我覺得如果我的至愛真的離我而去. 我當然會好痛苦, 但我更會想起我們共渡的時光. 包括所有開心與唔開心的事. 無論日後會變成點. 也不會忘了我們曾一起過的日子. ^^