自我提升workshop 後記

首先要多謝昨天係父親節仍抽時間出席我們活動的朋友. 希望大家日後都係咁支持我們搞的各種活動!
昨天我們的自我提升Workshop 其實是講 NLP. 講真, 我真係不知道 NLP 係什麼. 所以上Internet尋找. 原來 NLP 全名係 Neuro Linguistic Programming, 中文譯作『身心語言程式學』. 如果大家想了解多些, 可瀏覽網址: http://www.nlppa.org.hk/whatisnlp.html
看完上述的網址和加上我們會長在 workshop 的指導. 我覺得 NLP 其實係教你使用一些技考, 令你可以更加快速地學習, 改進自己的思考模式, 增強與其他人的溝通能力, 甚至可以治療一些心靈創傷又或者心理上的問題(如過份自悲, 無自信等). 如果能好好掌握這些技巧, 便可使你比普通人更容易獲得成功.
在此, 講一些我比較深印象的例子說明.
(1) 如果有人拿了一張相片你看, 相中有2個男性, 一個比較smart, 穿整齊的恤衫西褲, 另一個樣貌平凡,穿T恤同牛仔褲, 你會認為那一個是專業人士呢? 相信大部份人都會選擇前者, 但其實後者才是專業人士. 點解會得出這個結果呢. 原因是我們會有一個先入為主又或者一般人所謂的common sense, 所以我們不會再深入思考便認定前著係專業入士.
(2) 會長又叫我們回想一件我們覺得好唔開心的事. 然後我們嘗試將這件事情放大 (即誇大件事)或者縮細來看. 我們便會突然覺得好似將件事情抽離或者淡化左, 雖然這件事情並沒有任何改變, 但我們自己卻可以用這種方法來處理. 會長又舉了另外一個例子. 假設你突然俾你愛人飛左, 你應該盡量令自己冷靜下來, 之後用你自己作第一身思考點解會有咁既結果, 再用對方的身份思考同一件事, 最後用第三者的角度去想, 便會發現很多以前冇注意的事情.
(3) 我們如果對一個人有意思, 如何可以令到對方也對自己產生興趣又或者覺得你岩key 呢? 這方面, 可以應用一些方法產生共鳴現象, 例如對方好喜歡某個歌手, 你便應該迎合佢, 認同佢, 讚佢有品味. 不是叫你講大話, 胡亂吹噓一番, 但你咁做至少佢唔會討厭你. 另外也應注意對方講說話的方式, 例如節奏快慢, 高低音和用詞. 你便應配合佢說話的模式, 令到佢覺得同你說話係好舒服. 我們發現到一件有趣的事情, 如果兩個人是談得來的話, 他們會慢慢的變成差不多一樣的坐姿, 產生了所謂共鳴共振的現象.
(4) 同別人談話, 多些留意非言語的 (non-verbal) 的顯示, 唔好只留意對方說話的內容, 因為對方可能講大話, 而你又未必可以分清佢講的真實性, 反而可以從他的面部表情, 雙眼講說話望向那裡, 聲調, 手勢, 坐姿等知道.
(會長講笑話學左這些技考, 最有用是用來check 下lover 有冇同佢講大話. 哈哈 )

另外有朋友問起會長, 點解好多Member 會思想比較怪異甚至偏激. 會長解釋主要是壓力同埋忍受性問題. 因為好多Member 其實自己本身都不想接受或認同自己是同性戀, 加上社會上其他人士的歧視. 面對這些壓力, 好自然會令到思想和行為上產生偏差. NLP 是可以幫助解決定一部份這些問題, 但會長話信仰(即信奉某個宗教) 才可更加深入解決這方面的問題.

上完這個workshop, 我發現其實好多方面的事情都可應用到 NLP 所教的技考, 其實係一個好實用的課程, 但由於時間所限, 我們不可能在2小時內探討晒所有項目, 所以我們會長都決定會再開班. 大家多些留意稍後的公佈吧.