其他網站已經有好多人講過今年的香港先生選舉的是是非非, 我也不想重覆太多, 只講下自己的感受.
不知不覺已經係第三次搞. 我覺得唯一比較新鮮感只係加插復活戰這個部份. 其餘環節都係差不多. 好多人都批評今年的港男質素不及以往, 我就覺得係舉辦者的問題. 大家可以諗下, 如果你係參賽者, 要係幾百個女性面前著住條泳褲擺 POST 展示身型(今年條泳褲還要幾透添), 唱歌跳舞這些基本動作當然唔少得, 最慘係練習一些不擅長的才藝來表演(真係似馬戲團表演, 又似係藝員練習表演台慶咁囉). 雖然出來選的都預左會咁. 但面對住一大班怨婦及女色狼的眼光 (對唔住, 我絕對不是歧視女性, 但現場的氣氛真的給人如此感覺), 又要顧住鏡頭, 又要擺一些所謂有型的 POST, 真係重慘過做鴨, 我相信就算有一些好有質素的男仔想參選, 也給那些女性嚇怕了. 所以我其實幾佩服參賽者, 真係要好有勇氣, 唔介意俾人指指點點, 放下自己的自尊才可出來選的,如果沒有佢地, 我們那有這個節目可以看.邊有咁多話題可以講同討論. 最有趣的地方係好多人個口就話這個選舉好無聊, 唔公平, 又話 D 港男好 Cheap, 質素低, 但佢地又會睇晒成個節目囉. 哈哈 !
另一方面, 我相信好多人都會質疑這個選舉的認受性, 因為選出來的香港先生, 並不似香港小姐可以代表香港出賽環球小姐或者華裔小姐. 除了獎金獎品差天共地之外, 選出來後的待遇也不見突出. 大家可以回想下, 上兩屆的港男都係只係有些機會做下住持同埋客串下劇集的閒角. 儘管有拍下廣告. 但都係投閒置散居多. 其實 TVB 應該投放多些資源做港男選舉, 例如搵多些贊助廣告商, 包括健身中心. 美容塑身中心, 品牌服裝和泳褲, 營養飲品等等, 又或者同港姐一樣出去拍外景或者做多些親善訪問.
我覺得TVB 真係好低調宣傳港男, 只得幾個自己廣告, 及上下"東張西望"就算, 而且港男又只係得一晚出來選, 不似港姐有分初賽同決賽, 老實講, 真係好多人都唔係好認得那班港男. 話就係選舉, 冇機會拉票, 演變成一個低俗的騷. 再搞多幾年真係想搵人睇都難.
既然 TVB 都無什麼誠意去搞好個選舉, 不如索性搞一個什麼水上大激鬥, 叫 D 型男猛男著晒 D 好 sexy 的泳褲來比拼, 鬧胸肌, 腹肌, 我相信會比這個選舉更加有看頭, 更加谷到收視. 嘿嘿..
P.S. 以上所講既全部係我私人意見, 同個會無關.
